النتائج 1 إلى 9 من 9

الموضوع: قصيدة الواد كبر للشاعر جمال بخيت

  1. #1
    SweeT AngeL غير متواجد حالياً قلم محترف
    تاريخ التسجيل
    Jan 2007
    المشاركات
    5,425

    افتراضي قصيدة الواد كبر للشاعر جمال بخيت



    قصيدة "الواد كبر" للشاعر الكبير جمال بخيت

    "من خطبة معاوية بن أبى سفيان فى عيد ميلاد ابنه يزيد السادس عشر"

    الواد كبر
    ابنى العظيم ابنى الجميل
    ابنى اللى قادر ينتصر على المستحيل
    الدنيا قاعدة ف مجلسه
    وله مهابه يحسها كل البشر
    اللى ف حضوره اتعطروا
    واللى ف هواه اتنفسوا
    كل الكبار.. ولاّ الصغار
    لو قربوله..
    بيهمسوا
    كلماته شعر
    مفتى.. وعالم عبقرى
    كوم التراب يصبح دهب
    لو لمسة واحدة يلمسه
    الواد كبر
    تجيبوله جيش.. هايطوره
    تجيبوله عصر من الجهاله
    ينوره
    تجيبوله سد..
    بطرف إيده.. يهندسه
    الواد فهم
    من غير ماحد يعلمه معنى العلام
    من قعدته ف مجلسى
    درس الحروب قبل السلام
    هضم المذاهب كلها
    سَرّبت له بين السطور
    علم النفور والانسجام
    علمته ينظر للبشر
    وف عينه مليون اتهام
    يرمى بذور الخوف ف دقة قلبهم
    ومن الوشوش
    يحصد نسيم الابتسام
    الواد كبر..
    وكبر معاه وطنه الأشم
    الواد كبر ولازم له هم
    ولازم له قصر
    ولازم له عرش وصولجان
    وحدود وحاشية ومهرجان
    ممكن كمان
    سيرك وجنينة حيوانات
    سجن ومعارضة.. وتضحيات
    وحزب من أهل الكلام
    يدبجوله ف الخطب
    ويحفّظوه بعض النصوص
    وهيلمان وزرا ولصوص
    شوية منهم يسرقوا
    وشوية ياخدوا حقهم
    لما يوزع ف الوطن ويفرقه
    قلب الوطن.. لجل التخين
    راس الوطن.. لجل الكهين
    داعر لطيف
    أكبر حرامى ومدعى إنه الشريف
    عين الوطن..
    معروفة طبعا لجل مين..
    للمخبرين..
    الواد كبر.. ولازم له شعب يهرسه
    وقانون عظيم
    بإشارة واحدة ينشره
    وإشارة تانية.. يحبسه
    ولازم له منهج حكم
    - لكن معتبر –
    ع الخوف ضرورى يأسسه
    ولازم له كلب من الصحافة
    يمدحه ..
    وف وقت عوزة ..
    يقدسه..
    وينزهه عن الغلط.. أو العبط
    وف عز أصعب وقت ف ليل الوطن
    يقعد معاه..
    يونسه
    ويجيب له شمس.. تشمسه
    الواد كبر
    وصبح علامة للنبوغ..
    الواد خلاص قرب يطول
    سن البلوغ..
    ولازم له كرسى ينجسه
    ولازم له مجلس للموافقة والسكوت
    وإن يوم نسى وطلع له صوت
    يتربسه..
    ولازم له كهان للثقافة
    عند اللزوم
    يتمومسوا ..
    ولازم له خُدام.. للنظام
    على الجميع يتجسسوا
    ولازم له حبة بلطجية من التقال
    أولاد حلال
    جوه المظاهرة ينكسوا علم البلاد
    ويهتفوا بحب الفساد
    ويلزقوا ف مُزز المعارضة
    يقفّشوا.. ويحسسوا
    الواد كبر
    وأظنه زيى
    ما لوهش قلب
    والحكم حلو وابن كلب
    كفاية شكل الحاشية
    لما بيسجدوا
    من غير سجود
    ساعة ما يعتبروا الرضا منى
    صعود
    أو لما ياكلوا ف بعض
    علشان يفوزوا ببسمتى
    وسط الحشود
    يتنططولى ويرقصوا زى القرود
    الواد كبر
    ولازم له حلم يمتعه
    ولازم له حصة تشبعه
    ولازم له حاشية يبرطعوا
    يترّبعوا
    يتطمعوا
    يدّلعوا
    وإذا واد معارض
    حب يعمل فيها مسمار
    يخلعه
    يقلع عينيه.. ويأدبه
    وف أى صحرا
    يقلّعه
    الواد كبر
    واياك يا شعب تزهقوه
    أو تقرفوه
    وتطلعوله من النكت
    زى اللى طلعت عن أبوه
    اسمع يا واد
    الشعب ده..
    وضع أساس النمرده
    وإياك ف مرّة تدلعه
    إكبس عليه..
    يا تركعه.. يا تطمعه
    اسمع يا واد
    أول دروس حب الوطن
    سيب اللى نادوا بإسم غيرك
    يولعوا
    وسيب مصارين بطنهم
    - من حقدهم -
    يتقطعوا
    اسجد لآلهة الحياة
    وافتح لهم باب البلاد
    هاتفوز بأسباب النجاة
    وتفوز بأرواح العباد
    اسمع يا واد
    أول دروس حب الوطن
    ما ترتبطش بالوطن
    ولا ف سر..
    ولا ف علن..
    وحب نفسك أولاً..
    سيبه يجوع
    يعطش.. يغيب..
    أو يتفلق
    انت الحقيقة الثابتة
    من قبل هو ما يتخلق
    اسمع يا واد
    إياك تصدق
    إن فيه حاجة اسمها
    حب الوطن
    العرش أكبر م اليقين
    العرش .. دين
    العرش هو اللى جعلّك مخلصين
    بيوحدوك
    العرش للحاكم وطن
    والناس عشانه يقدسوك
    أو يشنقوك
    اسمع يا واد
    أنا هنا لآخر نفس
    من غير شكوك
    ها تقولى : ليه؟!
    العرش جنة خُلد للجالس عليه
    جنة خصوصى للأباطرة والملوك
    ولو جلست انت عليه
    كل الرعايا..
    ها يتركونى ويتبعوك
    وانت
    - بدون احساس بذنب
    من نشوتك
    ها تبيع أبوك


  2. #2
    أنا المجهول غير متواجد حالياً مراقب المنتدى الاسلامى
    تاريخ التسجيل
    May 2009
    المشاركات
    1,651

    افتراضي رد: قصيدة الواد كبر للشاعر جمال بخيت

    جااااااااااااااااامده يارونى والله
    بدور عليها بقالى يومين من ساعة مسمعتها مع معتز
    تسلم ايدك

  3. #3
    SweeT AngeL غير متواجد حالياً قلم محترف
    تاريخ التسجيل
    Jan 2007
    المشاركات
    5,425

    افتراضي رد: قصيدة الواد كبر للشاعر جمال بخيت

    انا برضه كنت بتفرج على البرنامج معتز
    وعجبتنى مووووووووووووت
    وموتتنى من الضحك بالذات اخر حته

    كنت خايفه لا تقولى مكرر هههههههههههههههههههههه
    اصلنا متعودين

  4. #4
    أنا المجهول غير متواجد حالياً مراقب المنتدى الاسلامى
    تاريخ التسجيل
    May 2009
    المشاركات
    1,651

    افتراضي رد: قصيدة الواد كبر للشاعر جمال بخيت

    هههههههههههههههههههه
    لا مش مكرر
    لا انت اللى سبقتى المره دى

  5. #5
    MarMoRa غير متواجد حالياً عضوية خاصة
    تاريخ التسجيل
    Aug 2008
    المشاركات
    10,923

    افتراضي رد: قصيدة الواد كبر للشاعر جمال بخيت

    يسلم بجد
    كلام من الاخر ... كان فين بس من زمان
    تسلمي يا روني

  6. #6
    FOR MY SAKE غير متواجد حالياً قلم محترف
    تاريخ التسجيل
    Jan 2009
    المشاركات
    11,207

    افتراضي رد: قصيدة الواد كبر للشاعر جمال بخيت

    رووووووووووووووووعه بجد
    تسلم ايدك يامكرونى

  7. #7
    SweeT AngeL غير متواجد حالياً قلم محترف
    تاريخ التسجيل
    Jan 2007
    المشاركات
    5,425

    افتراضي رد: قصيدة الواد كبر للشاعر جمال بخيت

    شكرا على المرور مجهول ومرموره وبنوته
    واتمنى انها تكون فعلا عجبتكو
    لان كلامها فى الصميم

    مجهووول سبقتك المره دى المره اللى جايه بقى اسيبهالك
    هههههههههههههههههههههه

  8. #8
    adaraball غير متواجد حالياً مشرف عام
    تاريخ التسجيل
    Jul 2004
    المشاركات
    7,002

    افتراضي رد: قصيدة الواد كبر للشاعر جمال بخيت

    جميل اوي

    تسلم ايدك يا رووني

  9. #9
    SweeT AngeL غير متواجد حالياً قلم محترف
    تاريخ التسجيل
    Jan 2007
    المشاركات
    5,425

    افتراضي رد: قصيدة الواد كبر للشاعر جمال بخيت

    شكرا على المرور يا اسلام

المواضيع المتشابهه

  1. الفرق بين الواد والبنت - فى الاستيقاظ في الصباح
    بواسطة SaDnEsS KiNgDo0oM في المنتدى منتدى ترفيهي
    مشاركات: 11
    آخر مشاركة: 10-14-2009, 11:04 PM
  2. قصيده للشاعر احمد مطر ( اعتذار للرسول )
    بواسطة Mr.MaRoO في المنتدى منتدى الأدب العربي
    مشاركات: 8
    آخر مشاركة: 05-18-2009, 11:48 AM
  3. حد يمسك الواد ده
    بواسطة SOSO في المنتدى منتدى ترفيهي
    مشاركات: 4
    آخر مشاركة: 09-07-2007, 01:59 AM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
مسلسلات رمضان 2013 مسلسل جار القمر مسلسل عطر الجنة مسلسل يامن هواه
مسلسل حكاية حياة مسلسل الداعية مسلسل نقطة ضعف مسلسلات رمضان 2013 المصرية
مسلسل الركين مسلسل القاصرات مسلسل خلف الله مسلسل العراف
رابط رابط مسلسل نكدب لو قولنا مبنجبش مسلسل نيران صديقة